Gorgonea Tertia (ρ Persei / ρ Per / 25 Persei)V* Rho Per -- Semi-regular pulsating Star (SIMBAD) ye una estrella na constelación de Perséu. El so nome provién de la mitoloxía griega, refiriéndose a les gorgonas rellacionaes col héroe Perséu. Y anque les gorgonas namái yeren trés, na constelación atópense Gorgonea Prima —Algol (β Persei), que representa la cabeza d'Aguamala—, Gorgonea Secunda (π Persei) y Gorgonea Quarta (ω Persei), xunto a Gorgonea Tertia. Les cuatro estrelles nun tienen nenguna rellación ente sigo fora del ámbitu mitolóxicu.
Asitiada a 317 años lluz del Sistema Solar, Gorgonea Tertia ye una fría xigante colorada lluminosa de tipu espectral M4II con una temperatura efectivo de 3460 K. El so diámetru ye unes 164 vegaes mayor que'l del Sol. Teniendo en cuenta una importante cantidá d'enerxía emitida nel infrarroxu, la so lluminosidá ye 3470 vegaes superior a la solar. Con una masa de 3 mases solares, la so edá envalórase en 440 millones d'años; tien un nucleu inerte de carbonu-oxíxenu y tópase nuna de les últimes fases de la so evolución estelar enantes de convertise nuna nana blanca.Gorgonea Tertia (Stars, Jim Kaler)
Amás ye una estrella variable semirregular del tipu de μ Cephei, variando la so magnitú aparente ente +3,3 y +4,0 en ciclos de 50 y 1100 díes.
Ver tamién Llista d'estrelles variables
Referencies
Categoría:Estrelles Categoría:Xigantes coloraes Categoría:Estrelles variables Categoría:Variables semirregulares Categoría:Constelación de Perséu