GZ Leonis (GZ Leo / HD 95559 / HIP 53923)V* GZ Leo -- Variable of RS CVn type (SIMBAD) ye una estrella na constelación de Leo. La so magnitú aparente ye +8,83 y alcuéntrase a 177 años lluz del Sistema Solar. Ye miembru del supercúmulu de les Híades.
GZ Leonis ye una estrella binaria cercana onde los dos componentes, dambes nanes naranxes de tipu espectral K0V, tán bien próximes ente sigo. Son estrelles práuticamente idéntiques, con una temperatura superficial de 5250 K y una masa averada de 0,8 mases solares. El so radiu ye 80% ~ del radiu solar y, por cuenta de la fuerte atraición gravitatoria, dambes estrelles roten rápido con una velocidá de rotación proyeutada de 26 km/s, más de 10 vegaes más apriesa que'l Sol; amás, presenten rotación síncrona, esto ye, amuesen siempres el mesmu hemisferiu la una a la otra. El periodu orbital d'esta binaria ye de namái 36,67 hores y la órbita ye práuticamente circular (ε = 0,0073).
El sistema amuesa intensa actividá cromosférica y ta catalogáu como variable RS Canum Venaticorum. El so rellumu fluctúa ente magnitú +8,83 y +8,95 nun periodu práuticamente igual al periodu orbital (36,64 hores).GZ Leonis (General Catalogue of Variable Stars) Nestes variables los cambeos de rellumu suelen ser debíos a manches estelares análogues a les del Sol pero de dimensiones enforma mayores; TZ Trianguli ye un brillosu exemplu d'esta clase d'estrelles.
Referencies
Categoría:Estrelles Categoría:Nanes naranxes Categoría:Estrelles binaries Categoría:Estrelles variables Categoría:Variables RS Canum Venaticorum Categoría:Constelación de Leo