HD 111031LTT 4887 -- High proper-motion Star (SIMBAD) ye una estrella de magnitú aparente +6,87. Ta encuadrada na constelación de Corvus, el cuervu, visualmente 2º50' al suroeste de ψ Virginis y 1º45' al nordeste de VV Corvi. Alcuéntrase a 101 años lluz del Sistema Solar. En 2007 anuncióse'l descubrimientu d'un planeta alredor d'esta estrella.HD 111031. The Estrasolar Planet Encyclopedia
HD 111031 ye una nana mariella de tipu espectral G5V con una temperatura superficial de 5801 K. La so lluminosidá supera a la del Sol aproximao nun 38% y tamién el so diámetru ye daqué más grande que'l diámetru solar, alredor de un 17%. La so velocidá de rotación proyeutada —llende inferior de la mesma— ye de 1,9 km/s, siendo'l so periodu de rotación de 33,0 díes. Con una masa un 12% mayor que la del Sol, paez nun haber consensu tocantes a la so edá; diversos estudios señalen cifres entendíes ente los 3800 y los 6700 millones d'años.
HD 111031 presenta un índiz de metalicidá más altu qu'a la solar ([Fe/H] = +0,27). Tolos distintos elementos evaluaos son más abondosos que na nuesa estrella, destacando'l sodiu, que la so bayura relativa ye 2,5 vegaes más elevada que nel Sol ([Na/H] = +0,39). Sicasí, el so conteníu de litiu ye inferior a la solar (logє[Li] < 0,75).
Sistema planetariu
En 2007 anuncióse'l descubrimientu d'un planeta estrasolar n'órbita alredor de HD 111031. Denomináu HD 111031 b, emplega 16,4 años en completar una órbita. La so esistencia nun foi confirmada.
Ver tamién Llista de planetes estrasolares
Referencies
Categoría:Estrelles Categoría:Nanes marielles Categoría:Sistemes planetarios Categoría:Constelación de Corvus