HD 14412 (HR 683 / HIP 10798)LHS 1387 -- High proper-motion Star (SIMBAD) ye una estrella de magnitú aparente +6,34 asitiada na constelación de Fornax, el fornu, a 41,3 años lluz del Sistema Solar. El sistema estelar conocíu más cercanu a HD 14412 ye HIP 10617; Fornacis (α Fornacis), la estrella más brillosa de la constelación, alcuéntrase a pocu más de 10 años lluz d'ella.Stars within 15 light-years of Cordoba Durchmusterung -26°828 (The Internet Stellar Database)
HD 14412 ye una nana mariella de tipu espectral G8V. Más fría que'l Sol —la so temperatura superficial ye d'aproximao 5350 K—, relluma con una lluminosidá equivalente al 43% de la lluminosidá solar. De carauterístiques físiques similares a les de 61 Ursae Majoris y 41 Arae A, tien el 82% de la masa solar y el so diámetru correspuende al 77% del que tien el Sol. Nun se detectó escesu nel infrarroxu nin a 24 μm nin a 70 μm, lo que paez refugar la presencia d'un discu de polvu al so alredor.
Una diferencia notable col Sol ye la so baxa metalicidá ([Fe/H] = -0,46), malapenes un terciu de la de la nuesa estrella. Elementos como sodiu, magnesiu, calciu y níquel amuesen el mesmu enclín. Coles mesmes, destaca'l conteníu especialmente baxo de manganesu ([Mn/H] = -0,54). Ye una estrella de discu finu probablemente antigua; la so edá envalórase en 8000 millones d'años.
Ver tamién Llista d'estrelles brilloses más cercanes
Referencies
Categoría:Estrelles Categoría:Nanes marielles Categoría:Constelación de Fornax