HD 155117HD 155117 -- Star (SIMBAD) ye una estrella na constelación d'Ara, l'altar. De magnitú aparente +8,48, nun ye observable a simple vista, pero con un pequeñu telescopiu ye bono d'alcontrar a unos 2º al oeste de δ Arae.
Anguaño alcuéntrase a 270 años lluz del Sistema Solar, con un marxe d'error na midida del 10,9%, pero fai 6,4 millones d'años —a finales del Miocenu— tuvo a namái 4,2 años lluz de distancia.HD 155117. Extended Hipparcos Compilation (XHIP) (Anderson+, 2012) Entós la so magnitú aparente yera -0,56, comparable a la que tien Canopo (α Carinae) na actualidá.
HD 155117 ye una nana mariella de tipu espectral F7V de similares carauterístiques a les primaries de los sistemes χ Draconis o 99 Herculis. Tien una temperatura efectivo de 6875 K —unos 1100 K más caliente que'l Sol— y ye 2,5 vegaes más lluminosa qu'ésti. El so radiu puede ser un 34% más grande que'l radiu solar y xira sobre sigo mesma con una velocidá de rotación de siquier 3 km/s. Tien una masa apenes un 3% mayor que la masa solar. La so edá envalórase ente 3900 y 6500 millones d'años, siendo la so edá más probable 5300 millones d'años. Ye una estrella probe en metales, con una metalicidá —bayura relativa d'elementos más pesaos que'l heliu—, inferior a la solar nun 40% ([Fe/H] = -0,23).
Referencies
Categoría:Estrelles Categoría:Nanes marielles Categoría:Constelación d'Ara