HD 216770 (HIP 113238 / SAO 191502) ye una estrella na constelación del Pez Austral de magnitú aparente +8,10,HD 216770 (SIMBAD) alcontrada 3º al norte de la brillosa Fomalhaut (α Piscis Austrini). En 2003 afayóse un planeta estrasolar n'órbita alredor d'esta estrella.
HD 216770 ye una nana mariellu-naranxa de tipu espectral K0V o G9V que s'atopa a 124 años lluz del Sistema Solar. Más fría que'l Sol, tien una temperatura de 5424 K y relluma con una lluminosidá equivalente al 74% de la lluminosidá solar. El so radiu y la so masa correspuenden, respeutivamente, al 96% y al 89% de los parámetros solares. Xira sobre sigo mesma con una velocidá de rotación de 3 km/s, siendo'l periodu de rotación de 35,6 díes.
HD 216770 presenta un conteníu metálico altu en comparanza al del Sol. El conteníu relativo de fierro ye un 73% mayor que la solar ([Fe/H] = +0,24), ente que nel casu del magnesiu y del aluminiu, los conteníos son más del doble que los de la nuesa estrella. Tien una edá envalorada de 3600 millones d'años.HD 216770 (The Estrasolar Planets Encyclopaedia)
Sistema planetariu
El planeta estrasolar descubiertu, HD 216770 b, tien una masa cimero al 65% de la masa de Xúpiter. Muévese a una distancia media de 0,46 UA de la estrella, siendo la órbita moderadamente escéntrica (ε = 0,37). Emplega 118,5 díes en completar una vuelta.
Ver tamién Llista de planetes estrasolares
Referencies
Categoría:Estrelles Categoría:Nanes marielles Categoría:Sistemes planetarios Categoría:Planetes estrasolares Categoría:Constelación de Piscis Austrinus