HD 45184 (HR 2318 / HIP 30503 / GJ 3394)LTT 2547 -- High proper-motion Star (SIMBAD) ye una estrella de magnitú aparente +6,37. Ta encuadrada na constelación del Can Mayor, visualmente a 96 minutos d'arcu de Furud (ζ Canis Majoris). Alcuéntrase a 72 años lluz del Sistema Solar.
HD 45184 ye una nana mariella que les sos carauterístiques son bien paecíes a les del Sol. De tipu espectral G1.5V, la so temperatura superficial ye de 5869 ± 14 K. La so lluminosidá supera a la del Sol aproximadamente nun 15% y tamién el so diámetru ye daqué más grande que'l diámetru solar, alredor de un 8%; la so velocidá de rotación proyeutada ye de 2,5 km/s. D'igual masa que'l Sol, nun paez haber consensu tocantes a la so edá; diversos estudios señalen cifres entendíes ente los 3300 y los 6800 millones d'años.
HD 45184 presenta un índiz de metalicidá comparable a la solar ([Fe/H] = +0,04). Les bayures relatives d'elementos como magnesiu, siliciu, calciu, titaniu y níquel son práuticamente iguales a les del Sol; namái'l bariu y el itriu —elementos del procesu-s— paecen ser más abondosos que na nuesa estrella, nel casu del bariu nun factor del 44%. Coles mesmes, la rellación oxíxenu/hidróxenu ye un 23% más elevada que nel Sol.
Ver tamién 18 Scorpii 37 Geminorum Asterion (β Canum Venaticorum) HD 98618
Referencies
Categoría:Estrelles Categoría:Nanes marielles Categoría:Constelación de Canis Maior