HD 6434LHS 1188 -- High proper-motion Star (SIMBAD) ye una estrella de magnitú aparente +7,72. Ta encuadrada na constelación de Fénix, visualmente 52 minutos d'arcu al sureste de ξ Sculptoris. Alcuéntrase a 135 años lluz del Sistema Solar. Dende l'añu 2000 conozse la esistencia d'un planeta estrasolar n'órbita alredor d'esta estrella.
Carauterístiques físiques HD 6434 ye una nana mariella de tipu espectral G2V o G3V con una temperatura superficial de 5835 K. La so lluminosidá ye un 15% superior a la del Sol y tamién el so diámetru ye daqué más grande que'l diámetru solar, alredor de un 9%. La so velocidá de rotación proyeutada —llende inferior de la mesma— ye de 1,0 km/s. Ye un 12% menos masiva que'l Sol y, a diferencia de la nuesa estrella, ye una estrella del discu gruesu. Arriendes d'ello, ye una estrella bien antigua que la so edá envalórase en 11.300 millones d'años o inclusive cimeru a 13.000 millones d'años.
Composición elemental HD 6434 presenta un conteníu metálico exiguo, siendo'l so índiz de metalicidá inferior a una tercer parte de la solar ([Fe/H] = -0,52). Tolos elementos evaluaos son menos abondosos que nel Sol, anque nel casu del aluminiu esti emprobecimientu nun ye tan acusáu. Tocantes al so conteníu de litiu —elementu col rangu de niveles más ampliu ente estrelles asemeyaes al Sol—, ésti ye inferior a la solar (logє[Li] = 0,70).
Sistema planetariu
En 2000 afayóse un planeta estrasolar orbitando alredor de HD 6434. Denomináu HD 6434 b, el semiexe mayor de la so órbita ye de 0,14 UA. Tien una masa mínimo equivalente al 39% de la masa de Xúpiter y emplega namái 22 díes en dar una vuelta completa alredor de HD 6434.HD 6434. The Estrasolar Planet Encyclopaedia
Ver tamién Llista de planetes estrasolares
Referencies
Categoría:Estrelles Categoría:Nanes marielles Categoría:Sistemes planetarios Categoría:Constelación de Fénix