HD 87883 (HIP 49699 / SAO 61890 / BD+34 2089)HD 87883 - Star (SIMBAD) ye una estrella na constelación de Leo Minor que s'alcuentra 1º al sur de 21 Leonis Minoris. De magnitú aparente +7,57, nun ye visible a simple vista. Dende 2009 conozse la esistencia d'un planeta estrasolar n'órbita alredor d'esta estrella.
HD 87883 ye una nana naranxa de tipu espectral K0V —una estrella de la secuencia principal similar al Sol pero más fría y tenue— distante 59,0 años lluz del Sistema Solar. Les sos propiedaes físiques son asemeyaes a les de 12 Ophiuchi o Gliese 75, magar, a diferencia d'éstes, nun esiste constatación de que HD 87883 seya variable. Con una temperatura superficial de 4980 K, la so lluminosidá equival al 32% de la lluminosidá solar. Tien un radiu menor que'l del Sol —un 76% del mesmu— y una masa de 0,82 mases solares. Rota con una velocidá de 2,2 km/s y emplega aproximadamente 41,2 díes en dar una vuelta completa. La so edá envalórase en 9800 millones d'años, más del doble de la edá del Sol.
HD 87883 tien un conteníu relativo de fierro mayor que la solar ([Fe/H] = +0,093). Les bayures d'oxíxenu, magnesiu y titaniu son comparables a les de la nuesa estrella, namái'l conteníu de siliciu paez ser más eleváu.
Sistema planetariu
El planeta que xira alredor de HD 87883, denomináu HD 87883 b, ye un planeta de llargu periodu orbital —7,54 años— y muévese nuna órbita bien escéntrica; la so separación al respective de la estrella bazcuya ente 1,69 y 5,51 UA.HD 87883 (The Estrasolar Planets Encyclopaedia)
Ver tamién Llista de planetes estrasolares
Referencies
Categoría:Estrelles Categoría:Nanes naranxes Categoría:Sistemes planetarios Categoría:Planetes estrasolares Categoría:Constelación de Leo Minor