HIP 112312 ye una estrella binaria encuadrada na constelación del Pez Austral a 76 años lluz del Sistema Solar. Ta compuesta por dos estrelles variables, WW Piscis Austrini, de magnitú aparente +12,10, y TX Piscis Austrini, de magnitú +13,36. La separación visual ente dambes ye de 35,5 segundos d'arcu.
WW Piscis Austrini WW Piscis Austrini (WW PsA) ye una estrella presecuencia principal —implicando que ta na fase evolutiva previa a la so entrada na secuencia principal— de tipu espectral M4IVe.V* WW PsA -- Variable of BY Dra type (SIMBAD) Tien una temperatura superficial de 3391 K —3150 K según otru estudiu— y ye bien pocu lluminosa en comparanza al Sol, siendo la so lluminosidá equivalente al 7,5% de la lluminosidá solar. Magar que la so masa apenes algama'l 31% de la masa solar, el so radiu ye igual al del Sol, consecuencia del so tempranu estáu evolutivu. Xira sobre sigo mesma con una velocidá de rotación proyeutada de 12,1 km/s, siendo el so periodu de rotación de 2,37 díes.
WW Piscis Austrini ye una variable BY Draconis amás d'una estrella acandilante.WW PsA (General Catalogue of Variable Stars) Les estrelles acandilantes despiden fogarales que traen un aumentu sópitu ya impredicible na so lluminosidá, medría que tien llugar en tol espectru electromagnéticu, dende rayos X a ondes de radio. Diches erupciones tienen ente unos minutos y unes poques hores de duración. UV Ceti, EV Lacertae o la conocida Proxima Centauri son estrelles d'esti tipu. L'amplitú de la variación de rellumu de WW Piscis Austrini ye de 0,35 magnitúes.
TX Piscis Austrini TX Piscis Austrini (TX PsA) ye, igualmente, una estrella presecuencia principal colorada pero de tipu espectral M5IVe.V* TX PsA -- Flare Star (SIMBAD) Tien una temperatura superficial de 3316 K —3000 K según otru estudiu— y la so lluminosidá ye la metá de la del so acompañante, igual al 3,2% de la lluminosidá solar. La so masa ye igual al 17% de la masa solar y el so radiu ye alredor de un 20% más pequeñu que'l de WW Piscis Austrini. Xira sobre sigo mesma con una velocidá de rotación de 17 km/s.
TX Piscis Austrini ye coles mesmes una estrella acandilante que'l so rellumu varia 0,04 magnitúes.TX PsA (General Catalogue of Variable Stars)
Pertenencia a l'Asociación estelar de Beta Pictoris El sistema forma parte de l'Asociación estelar de Beta Pictoris, que la so edá averada ye de namái 10 o 12 millones d'años. Amás de β Pictoris, que da nome a l'asociación, otros miembros de la mesma son AU Microscopii, AT Microscopii y V1005 Orionis.Members of bPMG (SIMBAD)
Ver tamién Llista d'estrelles variables
Referencies
Categoría:Estrelles Categoría:Nanes coloraes Categoría:Estrelles binaries Categoría:Estrelles variables Categoría:Variables BY Draconis Categoría:Estrelles acandilantes Categoría:Constelación de Piscis Austrinus