Hyadum I ye'l nome de la estrella γ Tauri (γ Tau / 54 Tauri / HD 27371)Gamma Tauri (SIMBAD) na constelación de Tauru. El so nome alude al cúmulu de les Híades, del que forma parte, y en llatín significa «Primer Híade». Tamién recibe'l nome Ambrosia o Ambrosie (Αμβροσιη en griegu), una de les hermanes Híades. La so magnitú aparente ye +3,65.
Hyadum I ye una xigante naranxa de tipu espectral K0III con una temperatura efectivo de 4970 K. Relluma con una lluminosidá equivalente a 79 soles y el so radiu ye 12 vegaes más grande que'l radiu solar. Ye una de les cuatro xigantes naranxes de les Híades, xunto a Ain (ε Tauri), Hyadum II (δ1 Tauri) y θ1 Tauri. La so velocidá de rotación ye tan lenta que ye difícil midila con exactitú —la cifra varia según autores—, anque el so periodu de rotación puede averase a los 150 díes. Sicasí, la estrella presenta una capa esterior magnéticamente activa (posiblemente una corona), lo cual ye sorprendente, una y bones la esistencia d'un campu magnéticu nuna estrella fría requier una velocidá de rotación enforma mayor.
Como otres xigantes de les Híades, Hyadum I presenta una metalicidá —midida como'l conteníu de fierro en rellación al d'hidróxenu— cimeru al Sol nun 25%. Alcuéntrase a 154 años lluz del Sistema Solar.Hyadum I (Stars, Jim Kaler)
Referencies
Categoría:Estrelles Categoría:Xigantes naranxes Categoría:Cúmulu de les Híades Categoría:Constelación de Tauru