Iota Arae (ι Ara)Iot Llabra -- Be Star (SIMBAD)Iota Arae (The Bright Star Catalogue) ye una estrella na constelación d'Ara, l'altar, de magnitú aparente +5,25. Acordies col nuevu amenorgamientu de los datos de paralax del satélite Hipparcos, alcuéntrase a 925 ± 75 años lluz del Sistema Solar.
Iota Arae ye una xigante azul de tipu espectral B2IIIIne. Ye una estrella caliente con una temperatura superficial de 22.560 K y una lluminosidá bolométrica —qu'inclúi una importante cantidá d'enerxía radiada como lluz ultravioleta— 5.740 vegaes mayor que la lluminosidá solar. El so radiu ye casi cinco veces más grande que'l del Sol y xira sobre sigo mesma bien rápido, siendo'l so velocidá de rotación proyeutada de 369 km/s. Tien una masa ente 8,3 y 9 mases solares —na llende percima del cual les estrelles rematen la so vida españando en forma de supernova— y la so edá cífrase en 30,0 ± 7,4 millones d'años.
Iota Arae ye una «estrella Be» con un discu circumestelar aniciáu pola perda de masa y la rápida rotación; α Arae, nesta mesma constelación, ye tamién una estrella d'esta clase. Como tal, figura como variable nel General Catalogue of Variable Stars, siendo la so variación de 0,06 magnitúes a lo llargo d'un periodu de 0,5565 díes (13,36 hores).Iota Arae (General Catalogue of Variable Stars) Amás, piénsase que tamién ye una variable Gamma Cassiopeiae.
Referencies
Categoría:Estrelles Categoría:Xigantes azules Categoría:Estrelles variables Categoría:Variables Gamma Cassiopeiae Categoría:Constelación d'Ara