Iota Herculis (ι Her / 85 Herculis / HD 160762)Iota Herculis (SIMBAD) ye una estrella na constelación d'Hércules de magnitú aparente +3,79. Alcuéntrase a 495 años lluz de distancia del Sistema Solar.
Iota Herculis ye una subxigante azul de tipu espectral B3IV y 17.800 K de temperatura. 2500 vegaes más lluminosa que'l Sol, tien un radiu 5,3 más grande que'l radiu solar. Tien una masa 6,5 mayor que la masa solar; les estrelles masives evolucionen rápido y, anque la so edá ye de namái 45 millones d'años, yá clausuró —o ta a puntu de faelo— la fusión del so hidróxenu internu. Dientro de les estrelles de tipu B, Iota Herculis rota amodo —la velocidá de rotación midida ye de 10 km/s—, lo que suxer que la so exa de rotación ta empobináu escontra la Tierra.
Coles mesmes, Iota Herculis ye una estrella B pulsante lenta (SPB), una clase de variables asemeyada a les variables Beta Cephei. Conozse un periodu principal, de 4,48 díes, en combinación con otros trés periodos, siendo les variaciones de rellumu demasiáu pequeñes pa ser percibíes pol güeyu humanu.
Iota Herculis ye una binaria espectroscópica con un periodu orbital de 113,804 díes, implicando una separación ente los dos componentes de 1 UA. Conozse la esistencia d'una segunda compañera, aproximao a 30 UA de la binaria, que'l so periodu orbital ten de ser d'aproximao 60 años. Visualmente a 2 minutos d'arcu, puede reparase una tenue estrella de magnitú +11,8; paez tamién amestada al sistema, tando dixebrada de les otres trés componentes siquier 18.000 UA, polo que puede emplegar un millón d'años en completar una vuelta alredor d'elles.Iota Herculis (Stars, Jim Kaler)
Referencies
Categoría:Estrelles Categoría:Subxigantes Categoría:Estrelles variables Categoría:Constelación d'Hércules