Iota Piscium (ι Psc / 17 Piscium)Iota Piscium (SIMBAD) ye una estrella na constelación de Piscis de magnitú aparente +4,13. Nun tien nome propiu habitual, pero na astronomía china, xunto a Fum al Samakah (β Piscium), γ Piscium, θ Piscium y ω Piscium, formaba Peih Leih, «el rescamplu». Alcuéntrase a 45 años lluz de distancia del Sistema Solar.
Iota Piscium ye una nana mariella de tipu espectral F7V, hasta ciertu puntu similar al nuesu Sol, magar la so lluminosidá y tamañu son daqué mayores. Con una temperatura superficial de 6300 K, la so lluminosidá ye 3,3 vegaes superior a la del Sol. El so radiu ye un 50% más grande que'l radiu solar y la so masa envalórase un 25% mayor que la del Sol. Puesto que cuanto mayor ye la masa d'una estrella más curtia ye la so permanencia na secuencia principal, con una edá actual de 3700 millones d'años, Iota Piscium va abandonar la secuencia principal nunos 600 millones d'años pa tresformase nuna subxigante.Iota Piscium (Stars, Jim Kaler)
Iota Piscium presenta dos carauterístiques distintives respectu al Sol. De primeres, el so periodu de rotación de 13 díes ye la metá del que tien el Sol. Per otra parte, el so metalicidá —datu que se rellaciona cola esistencia de sistemes planetarios— ye tan solo el 70% de la solar. Sicasí, Iota Piscium ye unu de los oxetivos prioritarios del Terrestrial Planet Finder (TPF) pa la busca de planetes terrestres que puedan allugar vida.
Ver tamién Llista d'estrelles brilloses más cercanes
Referencies
Categoría:Estrelles Categoría:Nanes marielles Categoría:Constelación de Piscis