Ípsilon Aurigae o Upsilon Aurigae (υ Aur / 31 Aurigae / HD 38944 / HR 2011) ye una estrella de magnitú aparente +4,74 asitiada na constelación d'Auriga. Alcuéntrase a 475 años lluz de distancia del Sistema Solar.
Ípsilon Aurigae ye una xigante colorada de tipu espectral M0III.Upsilon Aurigae (SIMBAD) La so temperatura superficial ye de 3800 K y ye 990 vegaes más lluminosa que'l Sol. El so radiu ye 73 vegaes mayor que'l radiu solar, práuticamente la distancia ente'l Sol y el planeta Mercuriu. Ye posible que sía una estrella variable con una pequeña variación nel so rellumu de 0,1 magnitúes.Upsilon Aurigae (The Bright Star Catalogue)
Ípsilon Aurigae tien una edá d'unos 760 millones d'años, cuando empezó la so vida como una estrella blanca de tipu B9. Mientres 585 millones d'años l'hidróxenu del so nucleu internu foise tresformando —por aciu fusión nuclear— en heliu; una vegada consumíu l'hidróxenu, la estrella empezó a espandise y esfrecese. N'algamando clase G, la estrella amontó'l so rellumu nun factor de 7, pa depués empezar la fusión del heliu internu en carbonu y oxíxenu. Escosáu l'heliu, la estrella ta agora aumentando'l so rellumu de nuevu con un nucleu inerte de carbonu-oxíxenu. Nun futuru va tornase inestable y va empezar a púlsar como una variable Mira, para, n'última instancia, espulsar les sos capes esteriores y convertise nuna nana blanca.Upsilon Aurigae (Stars, Jim Kaler)
Referencies
Ipsilon Aurigae Ipsilon Aurigae Ipsilon Aurigae