Ji Carinae o Chi Carinae (χ Carinae / χ Car / HD 65575) ye una estrella na constelación Carina de magnitú aparente +3,46. Recibe'l nome tradicional de Drys o Drus, del griegu Δρυς, que significa «carbayu». Alcuéntrase a 387 años lluz de distancia del Sistema Solar.
Clasificada como subxigante, Ji Carinae ye una estrella azul de tipu espectral B3IVpChi Carinae - Variable Star of beta Cep type (SIMBAD) con una temperatura efectivo de 18.000 K. Considerando una importante cantidá de radiación emitida nel ultravioleta, la lluminosidá de Ji Carinae ye 2375 vegaes mayor que la lluminosidá solar. El so diámetru ye 5 vegaes más grande que'l del Sol y la so masa ye 6,7 vegaes mayor que la masa solar.Chi Carinae (Stars, Jim Kaler) Los sos parámetros de lluminosidá y temperatura, dientro de la teoría d'evolución estelar, suxeren Ji Carinae entá nun abandonó la secuencia principal —anque s'atopa na fase final de dicha etapa— y por tanto quiciabes nun ye una verdadera subxigante.
Catalogada como variable Beta Cephei con una variación nel so rellumu de 0,015 magnitúes, recién estudios ponen en dulda la so variabilidá. Coles mesmes, la «p» nel so tipu espectral ye indicativa d'alta concentración de siliciu, lo que tampoco paez ser ciertu. Típicamente, la so velocidá de rotación de 95 km/sChi Carinae (The Bright Star Catalogue) ye más de 40 vegaes más rápida que la del Sol.
Referencies
Categoría:Estrelles Categoría:Subxigantes Categoría:Estrelles variables Categoría:Variables Beta Cephei Categoría:Constelación de Carina