Kappa Ophiuchi (κ Ophiuchi / 27 Ophiuchi / HD 153210)Kappa Ophiuchi - Variable Star (SIMBAD) ye una estrella na constelación d'Ophiuchus, el portador de la culiebra, de magnitú aparente +3,20. Dacuando ye conocida como Helkath, nome hebréu-árabe que significa «campu de batalla».
Asitiada a 86 años lluz del Sistema Solar, Kappa Ophiuchi ye una xigante naranxa de tipu espectral K2III con una temperatura de 4655 K. Relluma con una lluminosidá bolométrica 53 vegaes mayor que la del Sol.Kappa Ophiuchi (Stars, Jim Kaler) La midida direuta del so diámetru angular, una vegada correxida pol efeutu debíu al escurecimientu de llimbu, ye de 3,85 milisegundos d'arcu. El so diámetru, calculáu a partir d'esti valor, ye 14 vegaes más grande que'l del Sol, siendo una estrella asemeyada a Cebalrai (β Ophiuchi), nesta mesma constelación. Xira sobre sigo mesma con una velocidá de rotación proyeutada de 2,16 km/s. Con una metalicidá asemeyada a la solar, puede tener una edá entendida ente 5000 y 7200 millones d'años. Como n'otres xigantes similares, nel so nucleu tien llugar la fusión nuclear d'heliu en carbonu y oxíxenu. La so alta velocidá relativa respectu al Sol —68 km/s, valor cuatro vegaes superior a la media— suxer que vien de una rexón distinta de la galaxa.
Anque Kappa Ophiuchi apaez catalogada como estrella variable,Kappa Ophiuchi (General Catalogue of Variable Stars) observaciones realizaes pol satélite Hipparcos paecen refutar dicha variabilidá.
Referencies
Categoría:Estrelles Categoría:Xigantes naranxes Categoría:Constelación d'Ophiuchus