Kaus Australis (Épsilon Sagittarii / ε Sgr / 20 Sgr) ye la estrella más brillosa de la constelación de Saxitariu y la trixésimosesta del cielu nocherniegu, anque ostente la denominación de Bayer «épsilon», quinta lletra del alfabetu griegu. Ye una estrella doble con una componente bien lluminosa de magnitú aparente +1,79 y otra muncho más feble de magnitú 14.Kaus Australis (y-Sky)Kaus Australis (Catalog of Components of Double and Multiple Stars)
Nome El nome de Kaus Australis tien un orixe mistu: Kaus remanez del árabe y significa «arcu», ente que Australis remanez del llatín y significa «del sur».
Xunto a Nash (γ2 Sagittarii) y Kaus Meridionalis (δ Sagittarii), en llingua acadia esta estrella yera «Sin-nun‑tu» o «Si-nu-nu‑tum», (l'andarina). Na antigua Arabia, tamién xunto a Nash y Kaus Meridionalis y amás con η Sagittarii, formaba Al Na'am al Warid, «les avestruces diendo», en referencia a que cruciaben el ríu celestial —la Vía Lláctea—.Kaus Australis (The Fixed Stars)
Nel Éufrates pudo ser llamada Nibat Anu.
Carauterístiques físiques
Asitiada a 145 años lluz en direición al centru de la Galaxa, Kaus Australis A ta catalogada como una xigante blancu-azulada de tipu espectral B9.5IIIName Kaus Australis -- Star in double system (SIMBAD) con una temperatura superficial de 9200 K. La so lluminosidá ye 375 vegaes mayor que la solar, más alta que la que cabría esperar pa una xigante de les sos carauterístiques, polo que tamién foi clasificada como xigante lluminosa. El so radiu, calculáu a partir de la midida direuta del so diámetru angular, ye 7 vegaes mayor que'l radiu solar. Escosáu yá'l so combustible d'hidróxenu, probablemente tien un nucleu d'heliu inerte que se ta contrayendo y caleciendo enantes d'empezar la so fusión en carbonu y oxíxenu.Kaus Australis (Stars, Jim Kaler) La so edá envalorada ye de 300 millones d'años.
Kaus Australis presenta un baxu conteníu en metales, que pue debese a qu'éstos atópense na parte interna de la estrella, invisibles a la observación direuta en virtú d'una envoltura esterior de gas formada pola so alta velocidá de rotación, 70 vegaes mayor que la del Sol.
Referencies
Ver tamién Estrella (náutica)
Categoría:Estrelles Categoría:Xigantes azules Categoría:Constelación de Saxitariu