KZ Andromedae (KZ And)V* FF And -- V* KZ And -- Variable of BY Dra type (SIMBAD) ye un sistema estelar na constelación d'Andrómeda. De magnitú aparente media +7,93, alcuéntrase visualmente a 1,5º al sur de 7 Andromedae. Alcuéntrase a 77 años lluz del Sistema Solar.
Carauterístiques La estrella principal del sistema, KZ Andromedae A, ye una nana mariella de tipu espectral G5Ve. Tien una temperatura efectivo de 5741 K y xira sobre sigo mesma con una velocidá de rotación proyeutada de 8 km/s. Llixeramente menos masiva que'l Sol —la so masa ye un 5% menor que la masa solar—, amuesa una metalicidá comparable a la solar ([Fe/H] = -0,06). La so edá envalórase en 3300 millones d'años.
KZ Andromedae A xira alredor de un sistema binariu, KZ Andromedae B, formáu de la mesma por dos nanes naranxes, dambes de tipu K2V. Caúna de les componentes d'esti subsistema tien una temperatura averada de 4932 K. Les mases respeutives son 0,74 y 0,70 mases solares. Rotan bien apriesa, con velocidaes de rotación proyeutaes de 12,30 y 11,60 km/s. El periodu orbital d'esta binaria ye de 3,033 díes, tando'l planu orbital inclináu 58º. De la mesma, KZ Andromedae A y la binaria KZ Andromedae B empleguen 6272 años en dar una vuelta completa alredor del centru de mases común.
Variabilidá
KZ Andromedae B ye una binaria que presenta actividá cromosférica. Ye una variable BY Draconis que la so amplitú de variación ye de 0,08 magnitúes. Estes estrelles emiten enerxía en forma de rayos X; en dicha rexón del espectru, la lluminosidá de KZ Andromedae ye de 15,22×1022 W, siendo unes de les 100 estrelles más brilloses na rexón de rayos X asitiaes a menos de 50 pársecs de distancia.
Referencies
Categoría:Estrelles Categoría:Nanes marielles Categoría:Nanes naranxes Categoría:Estrelles variables Categoría:Variables BY Draconis Categoría:Constelación d'Andrómeda