Lambda Pegasi (λ Pegasi / 47 Pegasi / HD 215665)Lambda Pegasi - star (SIMBAD) ye una estrella na constelación de Pegasu, dacuando conocida col nome de Sadalpheretz. De magnitú aparente +3,97, alcuéntrase a 365 años lluz del Sistema Solar.
Lambda Pegasi ye una xigante mariella —anque tamién foi catalogada como superxigante— de tipu espectral G8II-III. Tien una temperatura efectivo entendida ente 4650 y 4775 K. La so lluminosidá ye 400 vegaes superior a la del Sol y tien un diámetru 30 vegaes más grande que'l diámetru solar. Xira sobre sigo mesma con una velocidá de rotación de 8,0 km/s, magar ésti ye una llende inferior que depende del enclín del so exa de rotación.
Lambda Pegasi tien una metalicidá comparable a la del Sol, con un conteníu de fierro en rellación al d'hidróxenu llixeramente per debaxo del valor solar (aproximadamente'l 82% del mesmu). La so masa envalórase ente 3,7 y 4 mases solares. Tocantes al so estáu evolutivu, piénsase que nel so nucleu ta empezando la fusión nuclear del heliu en carbonu y oxíxenu. Va Rematar la so vida como una nana blanca con 3/4 partes de la masa del Sol.Sadalbari (Stars, Jim Kaler)
Referencies
Categoría:Estrelles Categoría:Constelación de Pegasu