Matar (η Pegasi / η Peg / 44 Pegasi)Eta Pegasi (SIMBAD) ye una estrella na constelación de Pegasu de magnitú aparente +2,95. El so nome provién del árabe سعد المطر, Al Sa'd al Matar, significando «estrella afortunada de l'agua» o «agua de la suerte», ensin rellación col caballu aláu.
A una distancia de 215 años lluz del Sistema Solar, Matar ye un sistema estelar doble o seique cuádruple. La estrella brillosa a simple vista consiste nuna binaria cercana que les sos componentes tán dixebraes 3 UA. La más brillosa del par ye una xigante mariella de tipu espectral G2III con una temperatura de 5100 K y 262 vegaes más lluminosa que'l Sol. El so acompañante ye una estrella blanca de la secuencia principal de tipu A5V y 7800 K de temperatura. El periodu orbital del sistema ye de 2,24 años.Matar (Jim Kaler, Stars)
A 90 segundos d'arcu del par anterior alcuéntrase otra estrella binaria de magnitú +9,7 y tipu G5.CCDM J22430+3014BC (SIMBAD) Puede tar gravitacionalmente amestada al par anterior o a cencielles coincidir na mesma llinia de visión. Nel primeru de los casos, los dos componentes d'esti par, visualmente a 0,2 segundos d'arcu, taríen dixebraes ente sigo siquier 13 UA completando una órbita cada 34 años. De la mesma, la separación ente dambes estrelles binaries sería de siquier 6000 UA.
Referencies
Categoría:Estrelles Categoría:Estrelles blanques de la secuencia principal Categoría:Constelación de Pegasu