MT Pegasi (MT Peg)MT Pegasi (SIMBAD) ye una estrella na constelación de Pegasu de magnitú aparente +5,89. Alcuéntrase a 81 años lluz de distancia del Sistema Solar.
MT Pegasi ye una nana mariella de tipu espectral G1V. Ye una análoga solar de 5781 K de temperatura efectivo con una lluminosidá calculada a partir del fluxu bolométrico— un 23% superior a la lluminosidá solar. Tien un radiu apenes un 1% más grande que'l del Sol y rota con una velocidá de rotación proyeutada —llende inferior de la mesma— de 5,08 km/s. Con una masa de 1,07 mases solares, piénsase que ye una estrella nueva con una edá ente 680 y 1200 millones d'años. Nun se detectó escesu nel infrarroxu a 24 μm, polo que nun esiste constancia de qu'esti arrodiada por un discu circumestelar de polvu. Amás, MT Pegasi ta catalogada como variable BY Draconis, siendo la so variación de rellumu en banda O de 0,02 magnitúes.MT Pegasi (General Catalogue of Variable Stars) El so periodu fotométricu ye de 8,10 díes.
MT Pegasi tien una metalicidá bien asemeyada a la solar ([Fe/H] = +0,03). Los diversos elementos evaluaos amuesen el mesmu enclín, anque los niveles d'oxíxenu y sodiu son daqué menores que na nuesa estrella. Per otra parte, la bayura relativa de litiu ye mayor que la del Sol (log(A)Li = 2,60).
MT Pegasi forma parte de la corriente d'estrelles de l'Asociación estelar del sietestrellu, qu'inclúi, ente otres estrelles, a π1 UMa, V774 Tauri y HD 165185,Children of Kapteyn's stream II (SIMBAD) toes elles de carauterístiques asemeyaes a MT Pegasi.
Referencies
Categoría:Estrelles Categoría:Nanes marielles Categoría:Estrelles variables Categoría:Variables BY Draconis Categoría:Constelación de Pegasu