Mu Horologii (μ Hor / HD 19319 / HR 934) ye una estrella na constelación de Horologium de magnitú aparente +5,13.Mu Horologii (SIMBAD) Refugando a la variable R Horologii -qu'en rellumu máximu algama magnitú +4,0-, ye la cuarta más brillosa de la so constelación detrás de α Horologii, δ Horologii y β Horologii. Alcuéntrase a 138 años lluz de distancia del Sistema Solar.
Mu Horologii ye una estrella subxigante blancu-mariella de tipu espectral F0IV con una temperatura superficial de 6840 K. 14 vegaes más lluminosa que'l Sol, tien una masa envalorada de 1,69 mases solares y una edá de 1500 - 1840 millones d'años (la cifra varia dependiendo de la fonte consultada). El so metalicidá -bayura relativa d'elementos más pesaos que'l hidróxenu- ye inferior a la del Sol; diverses midíes asitien esti valor ente'l 47% y el 67% de la solar. Rota muncho más apriesa que'l Sol, con una velocidá de rotación de 103 km/s; esta velocidá, anque 50 vegaes más rápida que la del Sol, nun resulta sicasí especialmente alzada al comparase cola d'otres estrelles de carauterístiques allegaes.
Referencies
Categoría:Estrelles Categoría:Subxigantes Categoría:Constelación de Horologium