Mu Piscium (μ Psc / 98 Piscium)G 3-3 -- High proper-motion Star (SIMBAD) ye una estrella na constelación de Piscis de magnitú aparente +4,84. Nun tien nome propiu anque na astronomía china formaba la figura de Wae Ping xunto a les cercanes α, δ, ε, ζ, ν y ξ Piscium. Alcuéntrase a 304 ± 5 años lluz del Sistema Solar.
Como munches estrelles del cielu nocherniegu —valgan como exemplu Torcularis Septentrionalis (ο Piscium) o δ Piscium, nesta mesma constelación— Mu Piscium ye una xigante naranxa. Tien tipu espectral K4III y una temperatura efectivo de 4103 K. El so diámetru angular, midíu de forma indireuta en distintes llonxitúes d'onda y considerando l'escurecimientu de llimbu, ye de 2,58 ± 0,03 milisegundos d'arcu; ello dexa evaluar el so diámetru real, resultando ser ésti 26 vegaes más grande que'l diámetru solar. Ye 251 vegaes más lluminosa que'l Sol y tien una masa envalorada un 55% mayor que la masa solar.
Mu Piscium tien una metalicidá —bayura relativa d'elementos más pesaos que'l heliu— inferior a la metá de la que tien el Sol ([Fe/H] = -0,37). Coles mesmes, ye especialmente probe n'elementos como estronciu, ceriu y bariu; la bayura relativa d'esti últimu elementu ye una cuarta parte del esistente nel Sol.
Referencies
Categoría:Estrelles Categoría:Xigantes naranxes Categoría:Constelación de Piscis