Ni2 Coronae Borealis (ν2 CrB / 21 Coronae Borealis / HD 147767)Nu2 Coronae Borealis (SIMBAD) ye una estrella na constelación de Corona Borealis de magnitú aparente +5,40. Forma una doble óptica con ν1 Coronae Borealis, compartiendo con ella la denominación de Bayer «Ni». Anque dambes estrelles tán dixebraes apenes unos 10 años lluz (una distancia que puede variar por cuenta d'errores de midida), los distintos movimientos propios y velocidaes radiales indiquen qu'a cencielles tán pasando una cerca de la otra. La edá de dambes ye bien similar, unos 750 millones d'años, y el menor rellumu de Ni2 débese a que ye unos pocos millones d'años más nuevu que Ni1.Nu Coronae Borealis (Stars, Jim Kaler)
A unos 545 años lluz de distancia del Sistema Solar, Ni2 Coronae Borealis ye una xigante naranxa de tipu espectral K5III, siendo'l so radiu 47 vegaes más grande que'l radiu solar. Incluyendo la radiación infrarroxo emitida dada la so baxa temperatura (3940 K), la lluminosidá de Ni2 Coronae Borealis ye 479 vegaes mayor que'l Sol. Amuesa una metalicidá —bayura relativa d'elementos más pesaos que'l heliu nuna estrella— un 30% inferior a la del Sol ([Fe/H] = -0,16). La so masa ye d'aproximadamente 2,5 mases solares.
Referencies
Categoría:Estrelles Categoría:Xigantes naranxes Categoría:Constelación de Corona Borealis