Nunki ye'l nome de la estrella σ Sagittarii,Nunki (SIMBAD) la segunda más brillosa de la constelación de Saxitariu dempués de Kaus Australis (ε Sagittarii). De magnitú aparente +2,05, ta asitiada na rexón central de la constelación, na cinturón de la Vía Lláctea.Nunki (eSky) Alcuéntrase a 220 años lluz de distancia del Sistema Solar.
Nome
Al contrariu que munchos nomes d'estrelles que deriven del árabe, Nunki ye un nome d'orixe babiloniu y paez derivar de la Tabla de les Trenta Estrelles babilónica, onde s'identificaba cola Estrella de la Proclamación del Mar. El significáu del nome nun ta claro, anque pudiera provenir d'Enki, dios de Mesopotamia xeneralmente acomuñáu coles agües.Nunki (The Constellations and their Stars, Chris Dolan) Otros nomes que recibe la estrella son Sadira y Pelagus, esti postreru de la pallabra llatina para «mar».Nunki (The Fixed stars)
Carauterístiques físiques
Nunki ye una estrella blancu-azulada de tipu espectral B2.5V. Al igual que'l Sol, ye una estrella de la secuencia principal que la so enerxía provién de la fusión nuclear del hidróxenu en heliu. Pero a diferencia d'ésti, ye muncho más caliente. Con una temperatura superficial de 20.000 K emite una gran cantidá de radiación ultravioleta. Teniendo en cuenta ésta última, ye 3300 vegaes más lluminosa que'l Sol y 2200 vegaes más lluminosa si namái se considera la radiación emitida como lluz visible.Nunki (Stars, Jim Kaler) La so masa ye 7,8 ± 0,2 vegaes mayor que la del Sol y el so radiu 5 vegaes más grande que'l radiu solar.Nunki (Sigma Sagittarii) The internet Encyclopedia of Science La duración de la so vida cífrase alredor de los 31 millones d'años, enantes de terminar los sos díes como una nana blanca.
Nunki ye una estrella binaria, con una compañera de magnitú +9,5 a 309 segundos d'arcu; estudios fechos per aciu interferometría suxeren que puede esistir una tercera compañera más cercana.
Observación
Dacuando Nunki ye clisada pola Lluna, y más raramente polos planetes. La postrera tapecimientu de Nunki por un planeta tuvo llugar el 17 de payares de 1981, nesti casu por Venus.
Per otra parte, Nunki ye la estrella más brillosa que puede ser despintada por un planeta esterior, anque solo Marte puede faelo, y bien dacuando. La última vegada qu'asocedió esto foi'l 3 de setiembre de 423.
Ver tamién Llista d'estrelles más brilloses Estrella (náutica)
Referencies
Categoría:Estrelles Categoría:Estrelles binaries Categoría:Constelación de Saxitariu