Omega2 Aquarii (ω2 Aquarii / 105 Aquarii)105 Aqr - Star in double system (SIMBAD) ye una estrella na constelación d'Acuariu de magnitú aparente +4,48. Alcuéntrase a una distancia de 149 años lluz del Sistema Solar, siendo'l error en tala midida del 1,2%.Omega2 Aquarii. Extended Hipparcos Compilation (XHIP) (Anderson+, 2012)
Omega2 Aquarii ye una estrella blancu-azulada de la secuencia principal de tipu espectral B9V, tamién catalogada como B9.5V. Tien una temperatura efectivo de 10.011 K, siendo la so lluminosidá 40 vegaes superior a la lluminosidá solar. El so radiu ye 2,2 vegaes más grande que'l del SolOme2 Aqr. Catalogue of Stellar Diameters (CADARS) (Pasinetti-Fracassini+ 2001) y, como otres estrelles análogues, xira sobre sigo mesma a gran velocidá. Distintos estudios dan un valor entendíu ente 148 y 160 km/s pal so velocidá de rotación proyeutada, lo que trai que'l so periodu de rotación sía de namái mediu día.
Omega1 Aquarii presenta una metalicidá inferior a la del Sol nun 25% ([Fe/H] = -0,13). Tolos metales evaluaos amuesen niveles más baxos que les solares, siendo'l calciu —ente los elementos evaluaos— el más deficitariu ([Ca/H] = -0,40). Tien una masa de 2,46 mases solares y apenes percorrió'l 18% de la so trayeutoria como estrella de la secuencia principal. Ente les estrelles que tán a menos de 50 pársecs del Sistema Solar, ye una de les cien más brillosos na rexón de rayos X; la so lluminosidá nesa rexón del espectru ye de 11,96 × 1022 W.
Suxirióse qu'Omega2 Aquarii podría ser una binaria espectroscópica. Per otra parte, paez tar físicamente amestada a una estrella de magnitú +10,6 separada visualmente d'ella 5,7 segundos d'arcu. Esta compañera estelar pue ser una nana naranxa de tipu KVe.
Referencies
Categoría:Estrelles Categoría:Estrelles binaries Categoría:Constelación d'Acuariu