OTS 44 (2MASS J11100934-7632178)2MASS J11100934-7632178 - Brown Dwarf (M<0.08solMass) (SIMBAD) ye una nana marrón a unos 554 años lluz de distancia del Sistema Solar na constelación de Chamaeleon. Afayóse en 2005 por un equipu dirixíu por Kevin Luhman utilizando l'Observatoriu Gemini en Chile. Hasta'l descubrimientu de Cha 110913-773444 —que nun se sabe si ye un planeta con llunes o una nana marrón con planetes— yera la nana marrón conocida más pequeña.
OTS 44 tien una masa 15 vegaes mayor que la masa de Xúpiter, qu'equival al 1,5% de la masa solar. El so radiu ye una cuarta parte del radiu solar. El so bajísima lluminosidá apenes supera una milésima de la lluminosidá solar.OTS 44 (Jumk.de/astronomie) El so tipu espectral ye M9.5V y tien una temperatura envalorada de 2300 K.
El Telescopiu espacial Spitzer detectó un discu de polvu alredor d'esti oxetu, formáu por partícules de xelu y roca. Esti discu protoplanetariu eventualmente puede acabar formando un sistema planetariu alredor de la nana marrón. Los astrónomos especulen si'l discu que orbita OTS 44 tien abonda masa pa formar un planeta xigante gaseosu según unos cuantos planetes predresos del tamañu de la Tierra. Ello conduz a la cuestión de si podría esistir un planeta habitable alredor d'un oxetu d'estes carauterístiques. D'alcuerdu a Kevin Luhman, puede esistir toa una serie de sistemes solares en miniatura nos cualos los planetes orbiten alredor de nanes marrones.Astronomers Discover Beginnings of 'Mini' Solar System. NASA Spitzer Telescope
Ver tamién SCR 1845-6357, sistema binariu compuestu por una tenue nana colorada y una nana marrón. LHS 2397a, sistema de carauterístiques asemeyaes al anterior.
Referencies
Categoría:Estrelles Categoría:Nanes marrones Categoría:Constelación de Chamaeleon