Psi Capricorni (ψ Cap / 16 Capricorni / HD 197692)Psi Capricorni (SIMBAD) ye una estrella na constelación de Capricorniu de magnitú aparente +4,14.Psi Capricorni (The Bright Star Catalogue) Dacuando recibe'l nome de Pazan o Pazhan, procedente del persa پاژن, que'l so significáu ye «cabra montesa xavaz». En China yera conocida como Yue, un hachu de guerra.
Asitiada a 47,8 años lluz del Sistema Solar, Psi Capricorni ye una estrella de la secuencia principal de tipu F5V, que como'l Sol, llogra la so enerxía de la fusión nuclear del hidróxenu. Con una temperatura superficial de 6577 K, ye unos 800 K más caliente que'l Sol. Les sos carauterístiques físiques son bien similares a les de les componentes de Diadem (α Comae Berenices) o a les de θ Sculptoris. Tien una lluminosidá 4 vegaes mayor que la del Sol, siendo'l so radiu un 50% mayor que'l radiu solar. La so velocidá de rotación ye de siquier 41 km/s, considerablemente mayor que la del Sol, d'aproximadamente 2 km/s. Tien una metalicidá llixeramente inferior a la solar ([Fe/H] = -0,03). La so masa ye un 33% mayor que la masa solar, envalorándose la so edá nunos 1400 millones d'años.
Estes carauterístiques y la so relativa proximidá a la Tierra fixeron que Psi Capricorni figure ente los oxetivos del Terrestrial Planet Finder (TPF) pa la busca de planetes terrestres que puedan allugar vida.TPF C's Top Target Stars Space Telescope Science Institute
Ver tamién Llista d'estrelles brilloses más cercanes
Referencies
Categoría:Estrelles Categoría:Constelación de Capricorniu