Q Scorpii (Q Sco)LTT 6998 -- High proper-motion Star (SIMBAD)NSV 09205 (The Bright Star Catalogue) ye una estrella de la constelación d'Escorpiu. Tien magnitú aparente +4,27 y alcuéntrase a 166 años lluz de distancia del Sistema Solar.
Q Scorpii ye una xigante naranxa de tipu espectral K0IIIb con una temperatura superficial de 4596 K. Con una lluminosidá equivalente a la de 44 soles, la so masa namái ye un 30% mayor que la masa solar. La midida del so diámetru angular —2,15 ± 0,13 milisegundos d'arcu— dexa evaluar el so diámetru real, resultando ser unes 12 vegaes más grande que'l diámetru solar, un tamañu relativamente habitual nesta clase d'estrelles. Les sos carauterístiques son paecíes a les d'otres conocíes xigantes de tipu K como Pólux (β Geminorum), Menkent (θ Centauri) o φ2 Orionis, magar la mayor distancia a la que se topa Q Scorpii fai que sía menos brillosa qu'éstes.
Q Scorpii amuesa una metalicidá —bayura relativa d'elementos más pesaos que'l heliu— menor que la del Sol ([M/H] = -0,22). Igualmente, la so bayura relativa de fierro ye aproximadamente la metá que la solar. Elementos como calciu, níquel y bariu siguen la mesma pauta ente que, otra manera, el conteníu de sodiu ye asemeyáu al del Sol.
Piénsase que Q Scorpii puede ser una estrella binaria, magar nada se sabe sobre'l so posible acompañante.
Referencies
Categoría:Estrelles Categoría:Xigantes naranxes Categoría:Constelación de Scorpius