R Sculptoris (R Scl / HD 8879 / HR 423) ye una estrella variable na constelación de Sculptor. Ye un interesante oxetivu pal astrónomu aficionáu, yá que combina un ampliu rangu de variabilidá, escelentes estrelles coles que comparar y un intensu color coloráu.
A una distancia averada de 1550 años lluz, R Sculptoris ye una estrella de carbonu de tipu espectral C6II.R Sculptoris (The Bright Star Catalogue) Nestes estrelles los compuestos de carbonu nun dexen pasar la lluz azul, polo qu'amuesen un intensu color coloráu. Pierden gran cantidá de material de les sos capes esteriores al traviés del vientu estelar; en delles d'elles esiste una capa separada de gas y polvu que les arrodia. Anque polo xeneral tán apoderaes por una única temperatura, dalgunes —como R Sculptoris— amuesen evidencia d'un componente polvoriento secundariu más fríu, que se manifiesta por un escesu nel infrarroxu alloñáu. Piénsase qu'esti escesu ye por cuenta de la esistencia d'una capa de polvu alloñada de la estrella.
R Sculptoris ye una estrella variable semirregular, que'l so rellumu varia ente magnitú aparente +9,10 y +12,90 a lo llargo d'un periodu de 370 díes.V* R Scl - Semi-regular pulsating Star (SIMBAD) L'amplitú de la oscilación paez ser, sicasí, variable.
Visualmente a 10 segundos d'arcu esiste una estrella acompañante de magnitú 11,9, que comparte movimientu propiu con R Sculptoris.
Referencies
Categoría:Estrelles Categoría:Estrelles de carbonu Categoría:Estrelles variables Categoría:Variables semirregulares Categoría:Constelación de Sculptor