Rho Capricorni (ρ Cap / 11 Capricorni)Rho Cap -- Star in double system (SIMBAD)Rho Capricorni (The Bright Star Catalogue) ye una estrella de magnitú aparente +4,81 na constelación de Capricorniu. Ensin nome propiu habitual, dacuando denómase como Bos, «güe» o «vaca» en llatín.Kaus Australis (The Fixed Stars) Alcuéntrase a 99 años lluz de distancia del Sistema Solar.
Rho Capricorni ye una estrella binaria que la so componente principal ye una estrella de la secuencia principal —antes catalogada como subxigante— de tipu espectral F3V y magnitú +5,01.
Tien una temperatura efectivo de 6741 - 6763 K y la so masa envalorada ye un 32% mayor que la masa solar. Xira sobre sigo mesma con una velocidá de rotación igual o superior a 87,7 km/s. Tocantes a la componente secundaria, namái se conoz la so magnitú, +7,06.
Les dos componentes foron resueltes per aciu interferometría de moteáu, siendo la separación visual ente elles de 1,163 segundos d'arcu, lo que se traduz nuna separtación ente elles de, siquier, 33 UA. El sistema tien una metalicidá —bayura relativa d'elementos más pesaos que'l heliu nuna estrella— llixeramente inferior a la solar ([Fe/H] = -0,06) y una edá envalorada de 1500 millones d'años. Nun se detectó escesu nel infrarroxu nin a 24 μm nin a 70 μm, lo qu'en principiu refuga la presencia d'un discu de polvu al so alredor.
Rho Capricorni forma parte de la corriente d'estrelles de l'Asociación estelar del sietestrellu, qu'inclúi, ente otres estrelles, a 78 Ursae Majoris, ξ Bootis y 45 Bootis,Children of Kapteyn's stream II (SIMBAD) toes elles de carauterístiques asemeyaes a Rho Capricorni.
Referencies
Categoría:Estrelles Categoría:Estrelles binaries Categoría:Constelación de Capricorniu