Rho Piscium (ρ Psc / 93 Piscium / HD 122066)rho Psc -- Variable Star (SIMBAD) ye una estrella na constelación de Piscis de magnitú aparente +5.36. Alcuéntrase a 82 años lluz del Sistema Solar.
Rho Piscium ye una estrella de la secuencia principal de tipu espectral F2V. Más caliente y lluminosa que'l Sol, tien una temperatura de 6670 - 6683 K. Ye bien paecida a σ Bootis, η Corvi o μ Capricorni. El so diámetru ye aproximao un 10% más grande que'l diámetru solar.Catalogue of Stellar Diameters (CADARS) (Pasinetti-Fracassini+ 2001) Xira sobre sigo mesma con una velocidá de rotación proyeutada de 60 km/s, 30 vegaes más apriesa que'l Sol, una cifra habitual n'estrelles de les sos carauterístiques.
Rho Piscium tien un conteníu metálico —entendiendo por metales aquellos elementos distintos a hidróxenu y heliu— inferior al del Sol, alredor de un 70% del mesmu ([Fe/H] = - 0,16). Con una masa un 31% mayor que la masa solar, la so edá más probable ye de 1400 millones d'años. Ye posible que sía llixeramente variable —con una variación de rellumu de 0,09 magnitúes—, polo que recibe la denominación de variable provisional NSV 506.NSV 506 (General Catalogue of Variable Stars)
Referencies
Categoría:Estrelles Categoría:Nanes marielles Categoría:Constelación de Piscis