RR Ursae Minoris (RR UMi / HD 132813 / HR 5589 / HIP 73199) ye una estrella variable na constelación de la Osa Menor de magnitú aparente media +4,71,RR Ursae Minoris - Spectroscopic binary (SIMBAD) la octava estrella más brillosa na so constelación magar nun tener denominación de Bayer nin de Flamsteed.
Asitiada a 398 años lluz del Sistema Solar, RR Ursae Minoris ye una fría xigante colorada de tipu espectral M4.5III que la so temperatura efectivo ye de namái 3467 K. 1950 vegaes más lluminosa que'l Sol, el so radiu ye 126 vegaes más grande que'l radiu solar. Si tuviera nel llugar del Sol, la órbita de Mercuriu quedaría englobada dientro de la mesma estrella. Tien una masa de 1,6 ± 0,3 mases solares. Ye, amás, una binaria espectroscópica con un periodu orbital de 748,9 díes.
RR Ursae Minoris ta catalogada como una variable semirregular de tipu SRB; éstes son xigantes de tipos espectrales tardíos —M, C o S— con una periodicidá pocu definida. Gorgonea Tertia (ρ Persei), L2 Puppis o W Bootis son variables d'esti tipu. El rellumu de RR Ursae Minoris fluctúa ente magnitú +4,53 y +4,73 nun periodu de 43,3 díes.RR Ursae Minoris (General Catalogue of Variable Stars)
Ver tamién Llista d'estrelles variables
Referencies
Categoría:Estrelles Categoría:Xigantes coloraes Categoría:Estrelles variables Categoría:Variables semirregulares Categoría:Constelación d'Osa Menor