S Antliae (S Ant / HD 82610 / HR 3798)S Antliae (SIMBAD) ye una estrella variable de la constelación d'Antlia, la máquina neumática, asitiada cerca de la llende con Pyxis. Alcuéntrase a 245 años lluz del Sistema Solar.
S Antliae ye una binaria de contautu de tipu espectral A7V o A9V. Nesti tipu de binaries cercanes, por cuenta de la so proximidá, les dos estrelles comparten les sos capes esteriores de gas. Sicasí, el grau de «sobrecontautu» de S Antliae (9%) ye pequeñu en comparanza con otres binaries d'esti tipu. El periodu orbital del sistema ye de 0,6483 díes (15,56 hores) y piénsase que pue ser variable. Clasificáu como variable W Ursae Majoris, el so rellumu fluctúa ente magnitú aparente +6,40 y +6,92.S Antliae (General Catalogue of Variable Stars)
La rellación ente les mases de dambes componentes, q, ye igual a 0,87, siendo les temperatures respeutives de 7800 y 7340 K. El sistema tien una lluminosidá conxunta 13 vegaes mayor que la del Sol y una metalicidá cercana al 60% de solar. La so edá envalórase en 1500 millones d'años.
Referencies
Categoría:Estrelles Categoría:Estrelles blanques de la secuencia principal Categoría:Estrelles binaries Categoría:Estrelles variables Categoría:Constelación de Antlia