S Velorum (S Vel / HD 82829 / HIP 46881)S Velorum - Eclipsing binary of Algol type (SIMBAD) ye una estrella variable na constelación de Vela que la so magnitú aparente varia ente +7,74 y +9,50.S Velorum (General Catalogue of Variable Stars) Alcuéntrase a una distancia averada de 446 años lluz del Sistema Solar.
S Velorum ye una binaria espectroscópica con un periodu de 5,9336 díes. La componente primaria ye una estrella blanca de la secuencia principal de tipu espectral A5Ve, asemeyáu a Alcor (80 Ursae Majoris). Ye 18,2 vegaes más lluminosa que'l Sol y tien un radiu de 2,23 radios solares. La estrella secundaria ye una xigante o subxigante naranxa catalogada dende K5IIIe hasta K4IV. La so lluminosidá ye 3,5 vegaes superior a la lluminosidá solar y, de mayor tamañu que'l so acompañante, el so diámetru ye 4,6 vegaes más grande que'l del Sol. Tien una masa de 0,45 mases solares, casi 6 vegaes menor que la de la estrella primaria.
S Velorum ye una binaria cercana del tipu «binaria semidesprendida», lo que supón qu'una de les estrelles llena la so lóbulu de Roche y dexa masa estelar a la so compañera o a un discu de acreción. Al igual que Algol (β Persei) o λ Tauri, ye una binaria eclipsante; cuando la xigante naranxa intercepta la lluz de la so compañera, el rellumu conxuntu mengua 1,76 magnitúes.
Ver tamién Llista d'estrelles variables
Referencies
Categoría:Estrelles Categoría:Estrelles blanques de la secuencia principal Categoría:Xigantes naranxes Categoría:Estrelles binaries Categoría:Estrelles variables Categoría:Constelación de Vela