Tau7 Serpentis (τ7 Ser / 22 Serpentis)22 Ser -- Star (SIMBAD)Tau7 Serpentis (The Bright Star Catalogue) ye un sistema estelar de magnitú aparente +5,80 na constelación de Serpens. Comparte la denominación de Bayer «Tau» con otros siete estrelles —vease Tau Serpentis— y ye, ente elles, la segunda más cercana a nós dempués de Tau5 Serpentis. Alcuéntrase a 173 años lluz del Sistema Solar.
La estrella primaria de Tau7 Serpentis ye una estrella blanca de tipu espectral A2m. La «m» indica que ye una estrella con llinies metáliques que'l so espectru amuesa llinies d'absorción fuertes de dellos metales. ε Serpentis —nesta mesma constelación— y la brillosa Siriu A son exemplos d'esta clase d'estrelles. Con una temperatura efectivo de 7809 ± 136 K, Tau7 Serpentis tien un radiu un 82% más grande que'l radiu solar. Xira sobre sigo mesma con una velocidá de rotación proyeutada de 68 km/s. La so masa ye alredor d'un 70% mayor que la masa solarTau7 Serpentis (NASA Exoplanet Archive) y tien una edá averada de 700 millones d'años.
Munches estrelles Am davezu formen parte d'un sistema binariu. Coles mesmes, la elevada lluminosidá de Tau7 Serpentis en rayos X —181 × 1020 W— tamién suxería la presencia d'una compañera estelar. Asina, en 2011 afayóse'l so duplicidad, siendo la estrella secundaria 7,3 magnitúes menos brillosa que Tau7 Serpentis. La separación visual ente les dos estrelles ye de 2,3 segundos d'arcu. La compañera estelar ye una nana colorada de tipu M-tardíu.
Referencies
Categoría:Estrelles Categoría:Estrelles binaries Categoría:Nanes coloraes Categoría:Constelación de Serpens