Theta Ursae Majoris (θ Ursae Majoris / θ UMa / 25 UMa)Theta Ursae Majoris (SIMBAD) ye una estrella de magnitú aparente +3,17 na constelación del sietestrellu. Recibe los nomes, pocu habituales, de Al Haud y Sarir. Per otra parte, en China yera conocida —xunto a υ Ursae Majoris y φ Ursae Majoris— como Wan Chang, «el llume lliterario». Alcuéntrase a 44 años lluz de distancia del Sistema Solar.
Theta Ursae Majoris ye una estrella doble que les sos componentes —Theta Ursae Majoris A y B— tán dixebraes 4,1 segundos d'arcu. Anque nun se pudo reparar movimientu orbital dalgunu, les dos estrelles muévense xuntes al traviés del espaciu, polo que lo más probable ye qu'esista una rellación física ente elles. La separación real ente elles pue ser de 94 UA.
Theta Ursae Majoris A ye una subxigante blancu-mariella de tipu espectral F6IV que'l so diámetru ye aproximadamente'l doble de la solar. La so temperatura de 6370 K y la so lluminosidá, 7,6 vegaes mayor que la del Sol, dexen envalorar la so masa alredor de 1,5 - 1,6 mases solares. El so metalicidá ye inferior a la del Sol, alredor de un 60% de la mesma. Theta Ursae Majoris A ye, de la mesma, una binaria espectroscópica, con un periodu orbital de namái 371 díes. Nada se conoz sobre la estrella qu'acompaña a la subxigante.
Theta Ursae Majoris B ye una nana colorada tenue de magnitú +13,8. De tipu espectral M6V, ye una estrella de baxa masa (alredor del 15% de la masa solar).Theta Ursae Majoris (Stars, Jim Kaler)
Ver tamién Llista d'estrelles brilloses más cercanes
Referencies
Categoría:Estrelles Categoría:Subxigantes Categoría:Nanes coloraes Categoría:Estrelles binaries Categoría:Constelación de sietestrellu