TZ Cassiopeiae (TZ Cas / HIP 117763 / SAO 20912)TZ Cas - Pulsating variable Star (SIMBAD) ye una estrella variable na constelación de Cassiopeia de magnitú aparente media +9,04. Bien alloñada del Sistema Solar, envalórase que ta a una distancia de 2378 pársecs (7750 años lluz), pero l'error na midida ye de ± 658 pársecs.
TZ Cassiopeiae ye una superxigante colorada de tipu espectral M3I con una temperatura efectivo de 3670 K. Ye una estrella de gran tamañu, con un radiu 645 vegaes más grande que'l radiu solar, equivalente a 3 UA. Si tuviera nel llugar del Sol, les órbites de los primeros cuatro planetes —la Tierra inclusive— quedaríen englobaes dientro de la estrella. Con una masa d'aproximao 15 mases solares, envalórase que la so perda de masa estelar —como polvu, una y bones el gas atómico y molecular nun pudo ser evaluáu— ye de 3,8 × 10-9 mases solares per añu. Dada la so elevada masa, TZ Cassiopeiae va acabar la so vida españando como una espectacular supernova.
TZ Cassiopeiae ta catalogada como una variable irregular de tipu LCTZ Cassiopeiae (General Catalogue of Variable Stars) y de fechu ye prototipu d'esta subclase. El so rellumu varia ente magnitú +8,86 y +10,50 detectándose un posible periodu de 3100 díes.
Ver tamién Llista d'estrelles más grandes conocíes Llista d'estrelles variables
Referencies
Categoría:Estrelles Categoría:Superxigantes coloraes Categoría:Estrelles variables Categoría:Variables irregulares Categoría:Constelación de Cassiopeia