UX Tauri (UX Tau / HD 285846 / HIP 20990) ye un sistema estelar que s'atopa na constelación de Tauru a unos 450 años lluz de distancia del Sistema Solar. Ta compuestu por trés nuevos estrelles T Tauri, que la so edá envalórase en namái un millón d'años.UX Tauri (jumk.de/astronomie) La componente principal del sistema, UX Tauri A, tien tipu espectral G5V:y,UX Tauri A (SIMBAD) UX Tauri B ye de tipu M2y,UX Tauri B (SIMBAD) y la más tenue del sistema, UX Tauri C, ye de tipu M5.UX Tauri C (SIMBAD) Ésta última ye un oxetu de baxa masa cerca de la llende de ignición del hidróxenu. Catalogada como estrella variable, el so rellumu varia ente magnitú aparente +10,6 nel máximu y +13,7 nel mínimu.UX Tauri (General Catalogue of Variable Stars)
UX Tauri A ye una estrella asemeyada al Sol, anque muncho más nuevu, arrodiada por un discu protoplanetariu. En dichu discu detectóse un espaciu vacíu que s'estiende dende 0,2 a 56 UA de la estrella, lo qu'equival, nel nuesu Sistema Solar, a aproximadamente al espaciu qu'esiste ente Mercuriu y Plutón. Piénsase que la formación d'unu o dellos planetes pue ser responsable de la esistencia d'esti vacíu. L'espaciu vacíu ta arrodiáu, en dambos estremos, por dos gruesos discos de polvu, lo que-y estrema d'otros discos circumestelares, onde la estrella central tien bien pocu o nada de polvu al so alredor.Youthful Star Sprouts Planets Early (NASA) El discu esterior, asitiáu más allá de 56 UA, contién silicatos cristalinos.
Referencies
Categoría:Estrelles Categoría:Estrelles T Tauri Categoría:Planetes estrasolares Categoría:Constelación de Tauru