Wasat (δ Geminorum / δ Gem / 55 Geminorum)HD 56986 - Spectroscopic binary (SIMBAD) ye una estrella de la constelación de Xéminis de magnitú aparente +3,50. Alcuéntrase a una distancia de 59 años lluz del Sistema Solar.
Nome El nome de Wasat provién del árabe Al Wasat y significa «en mediu». Coles mesmes, na astronomía china esta estrella yera conocida como Ta Tsun, «la gran jarra de vinu».
Carauterístiques Wasat ye un sistema estelar onde les componentes A y B pueden ser resueltes con un pequeñu telescopiu. La estrella principal, Wasat A (Gliese 271 A), ye una subxigante blanca de tipu espectral F0IV con una temperatura superficial daqué mayor que la del Sol —ente 6900 y 7000 K— y 10 vegaes más lluminosa qu'ésti. Más grande que'l Sol, el so diámetru ye un 50% mayor.Gliese 271 A (Catalogue of Stellar Diameters, CADARS) (Pasinetti-Fracassini+ 2001) El so metalicidá, inferior a la solar, correspuende aproximadamente a un 55% de la mesma. Wasat A paez ser, de la mesma, una estrella binaria que les sos componentes tán dixebraes namái 0,20 segundos d'arcu, lo qu'equival a una distancia ente elles de 3,60 UA.
Pela so parte, Wasat B (Gliese 271 B), ye una nana naranxa de tipu K6VGJ 271 B - Star (SIMBAD) y 4500 K de temperatura, siendo'l so diámetru 3/4 partes del que tien el Sol.Glise 271 B (Catalogue of Stellar Diameters, CADARS) (Pasinetti-Fracassini+ 2001) Orbita cada 1200 años alredor de Wasat A a una distancia de más de 100 UA.Wasat (Stars, Jim Kaler) Envalórase que'l sistema tien una edá ente 1300 y 1600 millones d'años.
Wasat alcuéntrase 0,2º al sur de la eclíptica; una llinia qu'una Wasat con Régulu (α Leonis) define'l camín del Sol al traviés del cielu. Wasat dacuando ye despintáu pola Lluna y menos frecuentemente por dalgún planeta. Saturnu foi l'últimu planeta en despintala'l 30 de xunu de 1857 y Venus va facer el 12 d'agostu de 2420. En 1930, Clyde Tombaugh afayó'l planeta nanu Plutón cerca d'esta estrella.
Referencies
Categoría:Estrelles Categoría:Subxigantes Categoría:Nanes naranxes Categoría:Estrelles binaries Categoría:Constelación de Xéminis