WY Cassiopeiae (WY Cas / CSS 1345 / GSC 04009-01430)V* WY Cas -- Variable Star of Mira Cet type (SIMBAD) ye una estrella variable na constelación de Cassiopeia. Al ser una estrella distante, la so distancia respeutu al Sistema Solar ye incierta; diverses fontes dan una cifra entendida ente 2000 y 3160 años lluz.
De tipu espectral S6.5pe, WY Cassiopeiae ye una estrella de tipu S —como π1 Gruis o χ Cygni— con una temperatura superfical de namái 2200 K. La so lluminosidá ye 6700 vegaes superior a la lluminosidá solar. Na actualidá, pierde masa estelar a razón de 2,26 × 10-6 mases solares per añu. Otra carauterística d'estes estrelles ye'l so gran tamañu; el radiu de WY Cassiopeiae ye 575 ~ vegaes más grande que'l radiu solar, equivalente a 2,7 UA; si tuviera nel llugar del Sol, les órbites de los cuatro planetes interiores quedaríen englobaes nel interior de la estrella.
WY Cassiopeiae ye una variable Mira que'l so rellumu bazcuya ente magnitú +10,0 y +16,9 a lo llargo d'un periodu de 476,56 díes.WY Cassiopeiae (General Catalogue of Variable Stars) Nestes variables —que'l so prototipu ye la conocida Mira (ο Ceti)— la inestabilidá provién de pulsaciones na superficie estelar, lo que provoca cambeos de color y rellumu. Dalgunes d'elles, ente les que s'atopen R Cassiopeiae, S Cassiopeiae según la mesma WY Cassiopeiae, amuesen emisión máser de SiO.
Ver tamién Llista d'estrelles variables
Referencies
Categoría:Estrelles Categoría:Estrelles de tipu S Categoría:Estrelles variables Categoría:Variables Mira Categoría:Constelación de Cassiopeia