XX Cephei (XX Cep / HD 222217 / HIP 116648)XX Cephei - Eclipsing binary of Algol type (SIMBAD) ye una estrella variable na constelación de Cepheus de magnitú aparente +9,21. Alcuéntrase a 314 años lluz de distancia del Sistema Solar.
XX Cephei ye un sistema estelar triple compuestu por una estrella binaria cercana y un tercer oxetu del qu'apenes nada se conoz. La estrella binaria ye una binaria eclipsante de tipu Algol (β Persei); el so movimientu alredor del centru de mases común produz un cambéu periódicu nel tiempu que tarda la so lluz en llegar hasta nós. El so periodu orbital paez ser de 53,5 años, magar esti valor nun ye concluyente.
La componente principal de la estrella binaria ye una estrella blanca de la secuencia principal de tipu espectral A4V y 8500 K de temperatura. Rota con una velocidá de 44 - 47 km/s, lo que concuerda cola esistencia de rotación síncrona pa dambes componentes. Tien una masa de 1,92 mases solares y un radiu 2,07 vegaes más grande que'l del Sol. Pela so parte, la estrella qu'acompaña a la estrella A4, con una temperatura de 4555 K, paez ser una estrella de tipu K tempranu. Anque la so masa ye aproximadamente un terciu de la del Sol, el so radiu equival a 2,32 vegaes el radiu solar, tando asitiada nel diagrama de Hertzsprung-Russell percima de la secuencia principal.
Ver tamién Llista d'estrelles variables
Referencies
Categoría:Estrelles Categoría:Estrelles blanques de la secuencia principal Categoría:Estrelles binaries Categoría:Estrelles variables Categoría:Constelación de Cepheus