Y Sagittarii (Y Sgr / HD 168608 / HR 6863)Y Sagittarii (SIMBAD) ye una estrella variable na constelación de Saxitariu. Ye una variable cefeida de magnitú aparente media +5,77, la tercera más brillosa nesta constelación dempués de X Sagittarii y W Sagittarii. La midida de la so paralax per aciu el Telescopiu Espacial Hubble asitia a Y Sagittarii a 1530 años lluz de distancia del Sistema Solar.
El rellumu de Y Sagittarii bazcuya ente magnitú aparente +5,25 y +6,24 nun periodu de 5,7736 díes. De tipu espectral mediu F8II, la so temperatura efectivo ye de 5370 K. Tien un radiu 50 vegaes más grande que'l radiu solar y xira sobre sigo mesma con una velocidá de rotación proyeutada de 16 km/s. Tien una masa envalorada 6 vegaes mayor que la del Sol. El so conteníu metálico ye similar a la solar, con un índiz de metalicidá [Fe/H] = +0,05. Tocantes a otros metales evaluaos, amuesa cierta sobreabundancia de cobre, cinc, itriu y sodiu; el nivel d'esti últimu elementu ye casi'l doble que nel Sol ([Na/H] = +0,27).
Esiste evidencia de que Y Sagittarii puede constituyir una estrella binaria espectroscópica. Suxirióse un periodu orbital pal sistema del orde de 10.000 - 12.000 díes; sicasí, posteriores estudios qu'asumen una escentricidá cero pa la órbita, nun pudieron atopar una solución orbital convincente.
Ver tamién Llista d'estrelles variables
Referencies
Categoría:Estrelles Categoría:Estrelles variables Categoría:Variables Cefeides Categoría:Constelación de Saxitariu