Zeta Doradus (ζ Dor / HD 33262 / GJ 189)Zeta Doradus (SIMBAD) ye una estrella na constelación de Doráu, la sesta más brillosa de la mesma con magnitú aparente +4,72. Alcuéntrase a 38 años lluz de distancia del Sistema Solar.
Zeta Doradus ye una nana mariella de tipu espectral F9V, tamién clasificada como F7V.Zeta Doradus (The Bright Star Catalogue) Similar al Sol en munchos aspeutos, ye daqué más caliente qu'ésti, con una temperatura de 6125 K. Del mesmu tamañu que'l Sol, el so masa envalórase un 7% mayor que la masa solar. Les sos carauterístiques físiques son bien paecíes a les de ζ Tucanae y ι Horologii, estrelles relativamente próximes al Sistema Solar anque daqué más masives y lluminoses que'l nuesu Sol. Como exemplu, la lluminosidá bolométrica de Zeta Doradus ye un 38% mayor que la lluminosidá solar.
Zeta Doradus tien una edá entendida ente 1400 y 3500 millones d'años. El so metalicidá ye inferior a la solar, alredor de un 60% de la mesma. Un escesu na radiación infrarroxo emitida a 70 μm indica la presencia de partícules de polvu alredor de la estrella. Zeta Doradus alcuéntrase ente los oxetivos prioritarios del Terrestrial Planet Finder (TPF) pa la busca de planetes terrestres que puedan allugar vida.
Les estrelles conocíes más cercanes a Zeta Doradus son GJ 1075, nana naranxa a 1 ~ añu lluz, y GJ 2036, sistema de dos estrelles acandilantes, a 2,1 años lluz. El sistema estelar ζ Reticuli alcuéntrase a daqué menos de 10 años lluz de distancia.
Ver tamién Llista d'estrelles brilloses más cercanes
Referencies
Categoría:Estrelles Categoría:Nanes marielles Categoría:Constelación de Doráu