ZZ Ceti, tamién conocida como Ross 548,ZZ Cet -- Pulsating White Dwarf (SIMBAD) ye una nana blanca asitiada na constelación de Cetus a 103 años lluz de distancia del Sistema Solar.
Carauterístiques La lluminosidá de ZZ Ceti apenes supón el 0,7% de la lluminosidá solar ente que l'estudiu del so espectru con modelos matemáticos correspuende a una temperatura efectivo de 11.900 K. La so masa envalórase en 0,54 mases solares y tien un radiu aproximadamente doble que'l radiu de la Tierra. El so periodu de rotación ye d'un día y mediu.
Variabilidá ZZ Ceti ye una nana blanca pulsante de tipu espectral DAV4, prototipu de les variables que lleven el so nome, variables ZZ Ceti. Nestes estrelles les variaciones son debíes a pulsaciones non radiales, con periodos de pulsación típicos ente 100 y 1200 s. La variabilidá de ZZ Ceti afayóse en 1970 por B.M. Lasker y J.Y. Hesser;xunto a HL Tau 76 y G 44-32 yeren les úniques nanes blanques variables entós conocíes.
La enerxía dominante nel espectru pulsátil de ZZ Ceti mora en dos dobletes a 213 y 274 s con un espaciamientu de 0,5 s (vease tabla inferior).
Periodu (s) Amplitú (mma)*213,1326…6,7212,7684…4,1274,2508…4,1274,7745…2,9 *Una amplitú de milimodulación (mma) equival a un cambéu de 0,1% n'intensidá. Fonte: Mukadam et al. (2003)
La variación nel tiempu del periodu principal de 213,13 s ye tan pequeñu, que ZZ Ceti ye unu de los relós ópticos conocíos más estables, comparable a los relós atómicos y más estable que la mayoría de los púlsares.
Referencies
Categoría:Estrelles Categoría:Nanes blanques Categoría:Estrelles variables Categoría:Constelación de Cetus