Eva María González Fernández, conocida como Eva González, ye una modelu, actriz y presentadora de televisión española, ganadora del títulu Miss España 2003.
Biografía Eva crióse na población de Mairena del Alcor, en Sevilla. Provién d'una familia d'orixe humilde. El so padre, Manuel, yera llabrador d'oficiu, y la so madre, Encarnación, ama de casa. Tien una hermana menor qu'ella, María.
Empezó a trabayar como modelu na axencia que tien la tamién modelu Raquel Revuelta en Sevilla, Doble Erre, onde consiguió'l títulu de Miss Sevilla. A raigañu del concursu, dexó los sos estudios p'asina poder dedicase intensamente a los compromisos adquiríos como Miss España 2003.
Participó nel certame de Miss España en 2003 representando a Sevilla y consiguió el títulu. Amás de ser escoyida Miss España, tamién se-y dieron los premios de Miss Simpatía y Miss Elegancia.
En proclamándose ganadora del certame, viaxó a Panamá pa participar en Miss Universu 2003. Foi una de les favorites, pero nun entró ente les 15 meyores. Vistió un traxe de flamencu nel pase de traxes nacionales.
Dempués del so reináu, Eva entró nel mundu de la moda n'España, siendo imaxe de firmes como Viceroy y Tampax y desfilando, ente otros, na Pasarela Cibeles, nel Salón Internacional de la Moda Flamenca (SIMOF) y na Selmana de Moda de Sevilla.
Tamién se forxó una carrera na televisión española, siendo na actualidá una de les presentadores más queríes pol panorama nacional. En 2004 collaboró nel programa UHF d'Antena 3 xunto a Nuria Roca y Florentino Fernández. Amás, apaeció nun capítulu de la serie de Telecinco Los Serrano, interpretando a una profesora d'Educación Física qu'encandilaba a tolos mozos del institutu.
En 2006 fichó por La Sexta, onde presentó'l concursu Dímelo al oído xunto a Iván Sánchez y Fenómenos xunto a humoristes como Dani Mateo, Dani Martínez, Carlos Areces y David Verdaguer.
En 2007 collaboró con Andreu Buenafuente, nel so programa homónimu,Eva González acompañó a Buenafuente nel so nuevu programa, Europa Press, 05-09-2007. Enllaz. compaxinando esti trabayu cola presentación del concursu musical Se llama copla en Canal Sur, programa d'ésitu que condució mientres los sos nueve temporaes, dende 2007 hasta la so cancelación en 2016.
En 2008 participa na serie cómica La tira, tamién en La Sexta, representando a una azafata de vuelu recién casada a quién-y tán reformando'l pisu.
El 10 de febreru de 2009 presentó la gala de los premios TP d'Oru, xunto con Manel Fuentes, emitida tamién por La Sexta. Poco dempués fíxose públicu'l so fichaxe por Telecinco, pa presentar una nueva edición del concursu El juego del euromillón. El programa, sicasí, foi retiráu dos meses dempués de la parrilla en collechando una media de 10,9% de cuota de pantalla, un datu inferior a la media de la cadena. Darréu tomo'l mandu de Guerra de sesos, programa diariu d'El Siete.
En 2010 Telecinco encargóse de los resumes diarios y les gales selmanales dende la isla, del programa Supervivientes: Perdidos en Nicaragua.
Dende abril de 2013, presenta'l programa de gastronomía MasterChef en La 1. Dende avientu de 2013, tamién presenta na mesma cadena la versión infantil del programa llamada MasterChef Junior, y amás dende payares de 2016 MasterChef Celebrity.
Tamién presentó nesa mesma cadena les gales especiales de Nuechevieya de los años 2008, 2014, 2015, 2016 y 2017.
En 2017 foi presentadora de La Gala de la Reina nel Antroxu de Les Palmes, retresmitíu en Televisión Canaria y en La 2 y TVE Internacional.
Vida personal Ronciega a ventilar la so vida privada, conozse qu'en 2004 tuvo una rellación col presentador y actor Arturo Valls, y dende esi mesmu añu hasta finales de 2008 con Íker Casillas, exportero de la selección española de fútbol y del Porto.
El 6 de payares de 2015 casóse con Cayetano Rivera na ilesia de La nuesa Señora de l'Asunción de Mairena del Alcor en Sevilla.
El 4 de marzu de 2018 nació en Sevilla el so primer fíu, Cayetano Rivera González.
Filmografía
Programes de televisión Programes de televisión Añu Títulu Cadena Notes 2003 Miss España 2003 TVE Concursante 2004 UHF Antena 3 Collaboradora 2006 Dímelo al oído La Sexta Presentadora Fenómenos 2006 - 2007 El club de Flo Concursante 2007 - 2016 Se llama copla Canal Sur Presentadora 2008, 2013 - 2018 Programes especiales de Nuechevieya La 1 2009 El juego del euromillón Telecinco 2009 - 2010 Guerra de sesos El Siete 2010 Supervivientes: Perdidos en Nicaragua Telecinco Copresentadora 2012 Satán & Eva Canal Sur PresentadoraMasterChef La 1MasterChef Junior 2016 Se llama copla: El desafío Canal SurMasterChef Celebrity La 1 2017 El gran retu musical Reina de les Palmes de Gran Canaria Televisión Canaria
Series de televisión Series de televisión Añu Títulu Cadena Personaxe Notes 2004 7 vidas Telecinco1 episodiu 2005 Capital Telemadrid1 episodiu 2006 Los Serrano Telecinco Inés 1 episodiu 2008 - 2010 La tira La Sexta17 episodios
Anuncios de televisión Imaxe de la marca de carambelos Smint 2 en 1, xunto a David Delfín. Imaxe de la marca de multiópticas, mò. Imaxe de la marca Braun. Imaxe de la marca Tampax, chica TAMPAX (tampones). Imaxe de la marca Viceroy. Imaxe de la marca Chocolates Valor. Imaxe de la marca Isabel.
Socesión de Miss España
Referencies
Enllaces esternos
Yahoo! Corazón Miss España Artículu sobre Dímelo al oído
Categoría:Actores y actrices d'Andalucía Categoría:Actores y actrices de televisión d'España Categoría:Delegaes de Miss Universu Categoría:Ganadores de Miss España Categoría:Modelos d'España Categoría:Presentadores de Telecinco Categoría:Presentadores de televisión d'España Categoría:Presentadores de televisión d'Andalucía