Judith Arlen foi una actriz cinematográfica d'Estaos Xuníos que trabayó principalmente na década 1930.
El so verdaderu nome yera Laurette Rutherford, y nació en Hollywood, California. Yera la hermana mayor de la más conocida actriz Ann Rutherford. Arlen empezó la so carrera en 1930 con una actuación ensin apaecer nos creitos nel filme de Cecil B. DeMille Madam Satan. Tendría otru papel ensin acreitar en 1933, pero en 1934 yá consiguió dos papeles figurando nos creitos. Esi mesmu añu foi escoyida como una de les "WAMPAS Baby Stars". La película de 1934 Kiss and Make-Up, protagonizada por Cary Grant y pola tamién "WAMPAS Baby Star" d'esi añu Lucille Lund, sería la penúltima rodada por Arlen. Tuvo una actuación menor en Young and Beautiful, na cual faía precisamente'l papel d'una "WAMPAS Baby Star". Tres la mesma la so carrera remató.
Curiosamente, al añu siguiente llanzóse la carrera de la so hermana Ann. Arlen trabayaría tres la escena en sofitu de la so hermana menor, pero nunca volvió actuar. Moraba en Santa Barbara (California) nel momentu del so fallecimientu en 1968.
Referencies
Judith Arlen, WAMPAS Baby Stars de 1934
Referencies
Enllaces esternos
Categoría:Actores y actrices d'Estaos Xuníos Categoría:Persones de California