Rick Aviles foi un actor y comediante d'Estaos Xuníos recordáu pol so papel de Willie Lopez na película Ghost.
Primeros años Aviles (nacíu como Richard Anthony Aviles) nació na ciudá de Nueva York. La so güela treslladóse de Puertu Ricu a Estaos Xuníos a mediaos de la década de 1900 buscando una meyor calidá de vida. Los sos padres nacieron en Nueva York. El so padre Mariano Aviles yera fíu únicu de padres puertoriqueños y la so madre Carmen Reyes yera d'ascendencia venezolana. La so madre yera una muyer educada que s'aseguró de que los sos fíos fueren educaos cultural y académicamente. Aviles foi'l segundu de tres hermanos y yera bien apegáu a la so familia. Vivíen en Manhattan, Nueva York, nun barriu duru au davezu metíase en problemes. Una de les sos ventayes yera'l so llau risible. Los sos hermanos Angel Aviles (actriz y productora) y Rod Reyes (comediante y chef) tamién tán rellacionaos al mundu del entretenimientu.IMDb
Carrera Nos años 1970 y 1980, Aviles trabayó como comediante en vivu nel circuitu de clubes de Greenwich Village, Nueva York. En 1981, consiguió'l papel de Mad Dog en The Cannonball Run. Siguiría trabayando en catorce producciones más. En 1987, consiguió un pequeñu papel como l'home del caltenimientu en El secretu del mio ésitu, protagonizada por Michael J. Fox. Esi mesmu añu foi anfitrión de It's Showtime at the Apollo, y siguiría como presentador hasta 1991.New York Times; Movies and T.V.
En 1990, Aviles consiguió unu de los sos más memorables papeles. Interpretó a Willie Lopez, l'asesín de Sam, en Ghost. La película foi aplastante ésitu na taquilla y recibió delles nominaciones al Óscar. Amás de Aviles, Ghost tamién cuntó coles actuaciones de Demi Moore, Patrick Swayze, Whoopi Goldberg y Vincent Schiavelli. Esi añu tamién apaeció en The Godfather III de Francis Ford Coppola, onde foi acreitáu como Mask #1. Tamién tuvo papeles en Carlito's Way (1993), protagonizada por Al Pacino; Waterworld (1995), protagonizada por Kevin Costner; Mystery Train (1989), xunto a Joe Strummer y Steve Buscemi; y fixo la voz d'una cucaracha en Joe's Apartment.
Ente les series nes que trabayó tán Mr. & Mrs. Dracula (1980), The Day Women Got Even (1980), The Carol Burnett Show (1991) y The Stand (1994) de Stephen King.
Muerte Dempués de contraer VIH por aciu l'abusu d'heroína, Aviles morrió'l 17 de marzu de 1995 en Los Angeles, California, pola mor del sida.
Filmografía Cine Añu Pelícuña Papel Notes 1981 The Cannonball Run Mad Dog 1984 Billions for Boris Hector1987 Street Smart Solo The Secret of My Succe$s Maintenance Man1988 Mondo New York Comic in Park Spike of Bensonhurst Bandana Conocida tamién como: The Mafia Kid o Throwback!1989 Mystery Train Will Robinson Segmentu: "Lost in Space" Identity Crisis El Toro1990 Ghost Willie Lopez The Godfather Part III Mask #1 Green Card Vincent 1993 The Saint of Fort Washington Rosario Carlito's Way Quisqueya 1995 Waterworld Gatesman 1996 Joe's Apartment Cockroach Voz Televisión Añu Títulu Papel Notes1980 Mr. and Mrs. Dracula Mario The Day the Women Got Even Pancho Diaz Telefilme 1989 No Place Like Home J.J. Telefilme 1991 Monsters Un capítulu The Carol Burnett Show Dellos personaxes 1993 Moon Over Miami Frankie The Rat Un capítulu 1994 The Stand Rat Man Miniserie
Referencies
Enllaces esternos
Categoría:Persones de Nueva York Categoría:Humoristes d'Estaos Xuníos