thumb|Carroll Baker Karolina Piekarski , más conocida como Carroll Baker, ye una actriz d'Estaos Xuníos nacida nel senu d'una familia de comerciantes.
Carroll Baker destacó na década de los cincuenta, aportando a nominada al Premiu Óscar, pero la so carrera entró bien llueu en decadencia.
Aportó a considerada un símbolu sexual, pero, darréu, solo participó en papeles secundarios, en dellos filmes europeos y en Méxicu. Mide 1,65 metros.
Ente les sos películes más importantes hai que citar estes: Xigante (con James Dean, Rock Hudson y Elizabeth Taylor), Baby Doll (con Karl Malden, dirixíos por Elia Kazan), How the West Was Won y Harlow (1965), película biográfica sobre l'actriz de los años 30 Jean Harlow. Por Baby Doll foi nominada al Óscar.
Estudió danza y xunióse a un grupu de baille a principios de los 50. Tamién trabayó como acompañante d'un magu enantes de dar el saltu al cine cola película de Charles Walters Easy to Love (1953).
Un añu dempués del estrenu del citáu filme, Carroll treslladóse a Nueva York pa matriculase nel famosu Actors Studio. Ellí conoció al direutor y guionista Jack Garfein, con quien se casó en 1955.
Dempués de trabayar de volao nel teatru de Broadway consiguió apaecer en dos títulos d'impautu, "Xigante", de 1956, película de George Stevens, na qu'interpretó a la fía d'Elizabeth Taylor y Rock Hudson, y, sobre manera, Baby Doll 1956, d'Elia Kazan. Gracies a esta película coprotagonizada por Karl Malden, conviértese n'estrella y foi nominada al Óscar.
La prometedora carrera de Carroll Baker estancóse col pasu de los años en películes y papeles d'escasa calidá.
Ente los sos títulos más destacaos dempués de [Baby Doll]] atópense The Big Country (1958), de William Wyler; But Not for Me (1959), de Walter Lang; la superproducción How the West Was Won (1962); Cheyenne Autumn, de 1964, filme de John Ford nel que Carroll interpretó a una maestra cuáquera, o Harlow (1965), un filme biográficu sobre Jean Harlow dirixíu por Gordon Douglas.
En 1969 divorcióse de Jack Garfein, con quien tuvo a los sos fíos Blanche y Herschel, y nos años 70 y 80 actuó principalmente en películes europees (pocu memorables na so mayoría). En 1982 casóse col actor Donald Burton, quien morrió en 2007 na so casa de California.
Referencies
Enllaces esternos
Información sobre Carrol Baker
Categoría:Actores y actrices d'Estaos Xuníos Categoría:Persones de Pennsylvania